مژده مژده ؛ شبه احمد گلوبدي
اكبردي بو ؛ يا محمد گلوبدي
هيبتي وار؛ حيدرين هيبتيندن
آي جوانلار ؛ سيزه سرمد گلوبدي
وار يري عرش اعلا //// شور و شعفله دولسون
اربابيميز حسينون //// گوزلري آيدين اولسون
گلدي علي اكبر
گلدي شبه پيمبر
حسنينه باخ ؛ يوسفي قويدي حيران
قاشلار كمان ؛ آنلي ماه درخشان
ليلا گوزون ؛ بوگيجه روشن اولسون
هديه ويردي ؛ حق سنه نازلي جيران
گلشن مرتضاده //// آچدي بيرگل خندان
ير يوزونده اي عجب //// چيخدي ماه درخشان
گلدي علي اكبر
گلدي شبه پيمبر
اكبردي بو ؛ فخر اولاد آدم
همتا اونا ؛ گورميوب چشم عالم
جود و كرم ؛ اورگنوب مجتبادن
باشين اگدي ؛ اونا بخششده حاتم
يوسف آل هاشم //// گلدي بوگون جهانه
گوزلرون آيدين حسين //// وير بيزه عيديانه
گلدي علي اكبر
گلدي شبه پيمبر
- چهارشنبه
- 24
- دی
- 1399
- ساعت
- 9:30
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه