کربلا شیعه نون قلبینه صفاسن
کل امراضه سن خانه شفاسن
غصه لی ماجرا سنده چوخدی اما
دردمندانه هر دوره ده دواسن
اربابیم حسینون گوزل کربلاسی سن سن
درد ناعلاجین جهاندا دواسی سن سن
سنده یتمیش ایکی گول سولوبدی والله
سنده غلطان اولوب قانینه ثارالله
اکبر و قاسم و عون و فضل و جعفر
بال آچوب اولدیلار طایر الی الله
اربابیم حسینون گوزل کربلاسی سن سن
درد ناعلاجین جهاندا دواسی سن سن
سنده قانه باتیب آلتی آیلیق اصغر
نالیه گلدیلر حیدر و پیمبر
وای دیوب عرشیان حالینه ربابین
گوردی غم صحنه سین نیلدی او مادر
اربابیم حسینون گوزل کربلاسی سن سن
درد ناعلاجین جهاندا دواسی سن سن
سنده سقایولون کوفیان دوتوبلار
مکریله هرایکی قولارین سالوبلار
باشی اوسته حسین ال بلینده گلدی
اشقیا بیله احواله ال چالوبلار
اربابیم حسینون گوزل کربلاسی سن سن
درد ناعلاجین جهاندا دواس سن سن
کربلا گلشن لاله های عاشق
کربلا دشت پرمحنت شقایق
غمليدي ياديمه سن دوشنده والله
ايللريم گونلريم ؛ساعت و دقايق
اربابیم حسینون گوزل کربلاسی سن سن
درد ناعلاجین جهاندا دواسی سن سن
(آذرین) آرزوسی بو دور جهان دا
دیلده بوحسرتی واردی هرزمان دا
تپراقون اوپمگه تاپسا گر لیاقت
فخر ايدر عالمه مطلبين آلان دا
اربابیم حسینون گوزل کربلاسی سن سن
درد ناعلاجین جهاندا دواسی سن سن
- چهارشنبه
- 24
- دی
- 1399
- ساعت
- 10:5
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه