ايليوب حُسن جمالون مني ديوانه علي
آرزومندم اولام شمعووه پروانه علي
سن سرآغاز بشرسن؛ بونا من معتقدم
دين اسلامه سپرسن؛ بونا من معتقدم
ريشة كفري كسرسن؛ بونا من معتقدم
بشرٌ كيفَ بشرسن؛ بونا من معتقدم
سايه سالموش شرفون عالم امكانه علي
اونداكي اذن خداييله نبي عرشه گيدوب
سني معراجيده پيغمبر دين رؤيت ايدوب
ئورگي روشن اولوب محضر حقدن قييدوب
ئوزاصوليله سني دينه نگهبان بوييدوب
سنده ايفا ايلدون عهديله پيمانه علي
سنه خاطردي؛كي عالم اياق اوسته دايانور
سنه خاطردي؛ياتان گؤزسحراولجاق اويانور
سنه خاطردي؛ئوركلر تب عشقيله يانور
سنه خاطردي؛كي ديل منكرومعروفي تانور
سن اگراولماسين آفت يترايمانه علي
ذوالفقاريله دينه خدمت بسيار ايلدون
عبدود اوغليني بير ضربه ده ناكار ايلدون
مرحبي ضربت شمشيريله بيدار ايلدون
خيبري فتح ايليوب ؛دشمني انكار ايلدون
بدل ايتدون اودژي باغ و گلستانه علي
هرزمان شيعيه عالمده سروسروريدون
سن خطرده مدد و ياور پيغمبريدون
جنگجويان عرب ايچره قوي صفدريدون
سن فقط فاطميه لايق اولان همسريدون
الغرض فاتحيدون سن هامي ميدانه علي
قويمادون کوفه نين ايتامی ياتا بيرگيجه آج
حقّووی قوم سقيفه ايلدي گرچه تاراج
ولي عشقون آلوري شيعه لروندن گينه باج
مرقد پاكون ايدوبدي نجفي عالمه تاج
گنبدون فخر ساتار مهر فروزانه علي
گلمگون عالم آرا گورملي طوفان ايلدي
عجبا! كعبه ده الله سني مهمان ايلدي
گول يوزون عالم معناني درخشان ايلدي
او مسيحا نفسون دردلره درمان ايلدي
كعبه مولودي؛ نظرقيل بو محبّانه علي
(آذرين) لعن ايله انكارايلسه كيم عليني
ايله نفرين اولارين آخريني اوّليني
دوتما عالمده ابوجهل صفت لراليني
قبروون روشن ايده بلكه شب اوّليني
شيعه سين قويمياجاق تا دوشه نيرانه علي
- چهارشنبه
- 24
- دی
- 1399
- ساعت
- 10:14
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه