یاز قلم ابتدا حق داوره احسن آفرين
ختم پیمبره صورا حیدره احسن آفرين
فاطمه دختر نبي ؛ کوثره احسن آفرين
سویله حسن حسین ایکی سروره احسن آفرين
پنج تنیله حق دیوب اکبره احسن آفرين
خالقی اکبرین گوزل خلق ایلیوبدی اکبری
شعر طبیعته غزل خلق ایلیوبدی اکبری
دادلیدی لبلرین عسل خلق ایلیوبدی اکبری
ختم پیمبره مثل خلق ایلیوبدی اکبری
هامی دیسون بونوگل اطهره احسن آفرين
اکبره باخ نظاره قیل منزلت و کمالینه
عالم اولا فدا اونون هاشمی قاره خالینه
حظ آپارار باخان اونون گوندن ایشیق جمالینه
غبطه سلیمان ایلیر حشمتینه جلالینه
کشورعشقه حکم ایدن قیصره احسن آفرين
غبطه آپاردی گلشن و باغ وچمن صفاسینه
دقت ایله وقارینه صولتینه صلاسینه
سسلدی حبذا باخان هیکل دلرباسینه
عشق ایلیوردی هرباخیش لیلی او مه لقاسینه
ديللره سلطنت ايدن دلبره احسن آفرين
خلقا و منطقا بودور اشبه ختم الانبيا
كان شجاعت و شرف عين علي مرتضا
جود و کرمده اسوه سي اولدي عموسي مجتبا
پور شهيد كربلا ؛ زاده خيره النسا
تن صدفینده جان کیمین گوهره احسن آفرين
ایستدی الغرض گیده جنگه شبیه مصطفا
گیدی لباس رزمینی میوه قلب مرتضا
الده سپرقلج سنان اکبره ایلیور دعا
چخدی خیامیدن چوله سرعتیلن اومه لقا
بیربیله صورتیله صورتگره احسن آفرين
لیلی اولوبدی دلغمین سسلدی آی جوان بالا
کاسه صبریم آزقالیر شدت غصه دن دولا
جام السته مستیسن باخیمیسان هیچ اوغول دالا
باشوه قوی دونیم بالا جنگه سالیم سنی یولا
اكبري بسلين قوي مادره احسن آفرين
گیدی زره حسین یلی بندینی بلده باغلادی
تیرفراقه لیلونون قلبینی گرچه داغلادی
رزمگهه گلن زمان گویده ملکلرآغلادی
لشگره ويدي مركبين شمرين اوزين سراغلادي
حیدره بنذین گوزل صفدره احسن آفرين
سالدی ایلیکی اکبرین نوری سمالره شفق
سس سسه ویردی عرشیان باشلادی سوره علق
سسلدي اوليا هامي ماسلفيله ماسبق
حیف اولا بیله قامته پاره لنجک ورق ورق
یوسفی مات ایدن ملک منظره احسن آفرين
چشم زمان دویونجا باخ قامت چون قیامته
دوشمیه جک گوزون داخی بیربله قدو قامته
ایله نظر علیده بیر و قرو جلال و هیبته
پنجه ده باخ كرامته بازولاريندا قدرته
سسله علی کیمین همایون فره احسن آفرين
مام جهان گتیرمیوب عالمه بیربیله جوان
گلمیه جک بوعالمه مثلی بو دلبرین اینان
چهره اکبری گوروب یوسف اولوبدی نغمه خوان
لحن حجازيلن ديدي اوندا عزيز مصريان
گلشن عشقیده بیتن نوبره احسن آفرين
رزمگهه قدم قویوب لشگره دوشدی همهمه
غرش ایدوبدی شیرتک زاده شیرفاطمه
هیبت اکبرحسین دیللره سالدی ولوله
خيمه ابن سعد آرا فيكرايله دوشدي زلزله
یوزدفعه یازدوباره دن دفتره احسن آفرين
باشلادی بیررجز دیدی دشمنی مرحبا دیدی
ایتدی معرفی اوزون نسلینی برملا دیدی
ذریه و عشیره و اصلینی هکذا دیدی
حيدري ضرب و شصتينه احسني ماسوا ديدي
معرفتین گویینده کی اختره احسن آفرين
سسلدی ای گروه کین من گل باغ حیدرم
خلقا و خلقتا بیلون شبه خود پیمبرم
اکبر آدیمدی واله ذات خدای اکبرم
كيم گله جنگيمه اونا فرصت حمله ويرمرم
تا ديه ماسوا قوي اللره احسن آفرين
کرببلا امیرینون اکبر و ارشد اوغلیام
عرصه ده گلمیشم سیزه راه فراري باغلیام
قلب سیاهوزی بوگون خنجریمیله داغلیام
گرچه سوسوزدی قارداشیم واریری غمدن آغلیام
عاطفه شعرینه اولان ازبره احسن آفرین
- چهارشنبه
- 24
- دی
- 1399
- ساعت
- 18:29
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه