زیبا لیغـا هر چند کی یوسف مَثَل اولموش
اِئللر آراسینـدا آدی ضرب المَثَل اولموش
صُحبت لری شایستـه و شعـر و غَزَلیمیش
هم قاشلاری هم گوزلری گویا گوزلریمیش
کنعـانیـده بیـر گـورمَلـی دورانـی واریمیـش
بیـر چهــرة زیبــا و درخشــانـی واریمیـش
عـاجـزدی قلــم یـازمـاقـا دیـوانـه لرینـن
اُول عـاشـقِ دلبستـــه و مستـانـه لرینـن
کنعـان دُولـوسـی عاشـق ِ شیـداسی واریمیش
مجنـون کیمـی لیـلایِ زلیخـاسـی واریمیش
اُولمـوشـدی بـو کیفیّتلـه مصـرین عـزیـزی
آلمیشـدی اونـون دورونـی قلمـان و کنیـزی
زیبـالیغـا یـوسف آدی تـا طَنطَنــه سـالـدی
بیـر مـدت الـه یوسف آدی عرصـه دهَ قالـدی
تــا اینکـــه ایــراده الیــوب خـالق منـان
زیبـا بیـر اوغول وِئردی حسینـه ، نجه اوغلان
اکبـر گـوزون آشـدی ، آتاسی شـاد و خرمان
شایسته اوغول اولدی او اوغلان ، نجه اوغلان
اوغـلان نجـه اوغلان یوزی مهتـاب درخشان
قاشلاری کمان کیپریگـی اوچ شعبلـی پیکان
اوغلان نجـه اوغـلان کی گـوزلرده بـاشیـدی
سیمـاسی پیمبـر ؛ گـوزی زهـرا باخیشیـدی
اوغـلان نجه اوغـلان نَـه گوزل گوزلری واردی
اوغـلان نجـه اوغلان کـی نبی مَنظری واردی
اوغــلان نجـه اوغــلان نـوة فاتـح خیبــر
مُـژگـانی صفـا مـروه و پیشانیسـی مَشعـر
اوغلان نجه اوغلان یـوزی خورشیـد جلیدور
اوغلان نجـه اوغلان کی شمایلـدن علیـدور
اوغلان نجـه اوغلان کی اونـون خال حجازی
میـن یوسف کنعانیـن اولـوب مُهـر نمـازی
حُـورالَـر اونون دردینه محنت کِش اولانماز
یوسف لر اونـا خـادم و جـاروکش اولانماز
حیـرتدیَــم آیـا نـه دیوم سلسلـه سینـن
اولـدوز توکـولر گوزلرینون هر گیله سینـن
اکبـر نجـه اکبـر کـی اونـون صـوت اذانـی
سرمسـت الیـوب یکسـره خـوبان جنانـی
اکبـر نجـه اکبـر رُخِ شهـزاده سـی واردی
عبـاس کیمـی زُور خـدا داده سـی واردی
اکبـر نجـه اکبـر قـاشی شمشیـریدی گویا
غیرتلـی بواالفضلـی کیمـی شیـریدی گویا
اکبر باشینـا تا کی حسیـن قویـدی اَمـامه
گویـا کـی باخـوردی آتـاسی بیت الحـرامه
عشـق عالمینـه عاشـق مستـانـه دی اکبر
بیـر عُســوة زیبـا بو جـوانـانـه دی اکبر
جـان آلمـاقا بیـر قابض جـانـانـه دی اکبر
شمــع رخ پیغمبــرهَ پــرونــه دی اکبر
- جمعه
- 10
- بهمن
- 1399
- ساعت
- 16:51
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه