• جمعه 3 بهمن 99


حضرت علی اکبر(ع) -(اي پيمبر نشان ؛ آچ گوزون گلميشم)

13

اي پيمبر نشان ؛ آچ گوزون گلميشم
اكبر نوجوان ؛ آچ گوزون گلميشم
      اكبر اكبر ؛ ئـــــورگيم قان اولوب
 گل جسمونده ؛ صاف يرون قالميوب
اي بهاريم اويان ؛ نازلي ياريم اويان 
گوزلريم نوري اي ؛ هم قطاريم اويان
ال چالور كوفيان ؛ يوخ قراريم اويان 
قالميوب داي امان ؛ آچ گوزون گلميشم
دشمن بي حيا ؛ ايتدي غوغا اوغول
ئولدوروبلر سني ؛ فوج اعدا اوغول
سنسيز اولسون خراب ؛ فاني دنيا اوغول 
چوخدي طعنه ويران ؛ آچ گوزون گلميشم
منقذين ظلمينه ؛ اولدي شقّ القمر 
گلديلر ناليه ؛ گويده شمس و قمر
جانيم ايستور چيخا ؛ غم ايدوبدور اثر 
اولموشام باغريقان ؛ آچ گوزون گلميشم
سالدي شقّ القمر ؛ ياده پيغمبري 
ياره لندي باشون ؛ اولموسان حيدري
عمرون آزاولدي اي ؛ فاطمه مظهري
قانه غلطان اولان ؛ آچ گوزون گلميشم
ئوپمگه قالميوب ؛ صاف يرون آي بالا 
آهو تك سالديلار ؛ دامه بو اشقيا
خيمه لرده يولون ؛ گوزلور آل عبا 
سسله بيرده اذان ؛ آچ گوزون گلميشم
(آذرين) اكبره ؛ ايله سن اقتدا
شوريله عشقووي ؛ ايله ابراز اونا
بلكه محشرگوني ؛ اجرون ايتسين عطا 
شافع شيعيان ؛ آچ گوزون گلميشم

  • چهارشنبه
  • 24
  • دی
  • 1399
  • ساعت
  • 19:25
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران