درگـهـونده گـــدايـــم رضاجان
ســـائـــلــم بـي نوايم رضاجان
سن هامي خلقه ايتدون كرامت
مـنـده بـيــر آشـنـايـم رضاجان
اي پــنــاه دل بــي پــنــاهـــان
اي ولــي نـعـمـــت ملك ايـران
دعـوت ايلـه گلـيم پـاي بـوسـه
بـلــكه درديم تاپا اوردا درمان
باخ بيزه اي خراسان امـــيري
فضلوون يوخدي والله نظـيري
بيرسنه تيكميشم گوزرضاجان
اولموشام منده عشقون اسيري
سن گل گلشن مصطفاسن
هشتمين كوكب اولياسن
سنله معنا تاپوپدي كرامن
چاره مردم بي نواسن
قويما بوقلبي يارسين جهــالت
ايتمه بو غم اسيرين خـجـالت
حاليمه رحمتون شــامـــل ايله
سنكي آهوني ايتدون ضمـانت
مـيـزبانسان آقا خوب و زشته
هجروه ديل اولوب رشـتـه رشته
ويرمــرم آند اولا ذوالجـــلاله
صحنووي صحن باغ بهشــته
اي دوتان عرش وفرشي صفاسي
مشهدين وار بهشتي هواسي
دعوت ايله گليم پاي بوسه
سنده دي هامي دردين دواسي
سينمي درد و محنت آلوبدي
نوكرون اوزگه حاله قالوبدي
صورتين ايسلادوب گوزياشيلان
ياده باب الجوادي سالوبدي
دعوت ايله مني پاي بوسه
تا گله (آذرين)سمت توسه
كربلانين جوازين قيل امضا
تا ويرام مرقد شاهه بوسه
اي رضا اي رضا اي رضاجان
روحوه شيعه لر جاني قربان
- پنج شنبه
- 25
- دی
- 1399
- ساعت
- 9:53
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه