یاحسین لطفوی بو نوکره ارزان ایلدون
قطره نی بیرباخیشونلا آقاعمان ایلدون
یوخیدی منده لیاقت یتیشم خدمتوه
خَزَفه لطف ایلیوبسن دُر غلطان ایلدون
گرچه مدتدی سنه نوحه دیوب آغلامیشام
نوکری لایق پابوسی سلطان ایلدون
زائر کرب و بلا حق شفاعت واریدی
سن مني شامل الطاف فراوان ايلدون
کربلا زائری گویا حق سبحانی گوروب
عرش اعلاده منی زائر یزدان ایلدون
بیرعمیرآتش هجرانوه یاندی اورگیم
سن منه آتش هجرانی گلستان ایلدون
کربلا شوقینه ایللردی کی گریان دی گوزوم
بو حقیرون اورگین وصلیله خندان ایلدون
(آذرين) گلدي بلا دشتینه گوزجامی دولی
چاره سيز دردینه دنیا بویی درمان ایلدون
- جمعه
- 26
- دی
- 1399
- ساعت
- 10:51
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه