ای نجل جواد، ابن رضا، حضرت هادی
دوتموش سنه دوز شيعه عزا حضرت هادی
بير عمر سنه ايتدي ستم چون متوكّل
آغلير يئر و گوي ؛ صبح و مسا حضرت هادی
دشمن آپاران وقته سني بزم شرابه
هيچ ايلميوب شرم و حيا؛حضرت هادی
افسوس كي اولديردي سني زهر جفايه
بي جرم و گنه ؛ قوم دغا حضرت هادی
افسوس آيردي سني دشمن وطنوندن
اِلدن حرمون دوشدي جدا حضرت هادی
بيركس ئورگون درديني بيلمز سنون اصلا
عالم سنه اولسونلا فدا حضرت هادی
بزم مي و خون دل و حبس و ستم و زهر
اولدي عجبا حقون ادا ؛ حضرت هادی
بو ماتمووه اي خلف پاك پيمبر
سامرّه اولوب كرب و بلا حضرت هادی
(ميثم) سنون اوْل غربتوه ديده تر اولدي
اي كشته بي جرم و خطا حضرت هادی
دي حاجتووي (آذرين) اوْل مظلوم امامه
ايلر بيلورم درده دوا حضرت هادی
- جمعه
- 26
- دی
- 1399
- ساعت
- 11:13
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه