بوگيجه باغ ايمان سولوبدي
زيـنبين قلـبـيــنه قان دولوبدي
شـيـعه گل بــاشووه قاره باغلا
مرتضي قانه غلطان اولوبدي
شــيريزدان علي يا علي جان
شاه مـردان علي يا علي جان
سس گلوب ركن ايمان تالانــدي
غـمـلـراوستن گينه غم قالاندي
خنـجركـين نمازاوسـتـه دگـــدي
مـرتضانين باشي پـارچالاندي
قانيلن دولدي مـحراب و مـنـبـر
نـالـيـه گـلـدي شـخـص پـيـمبر
بـوگـيـجـه آرزويـه چـاتـوبـــدي
غـملي زهـرايه مهماندي حيدر
مـجـتـبي قـلـبـيـنـي غـم آلوبـدي
گؤرحسيني نه حالـه سـالوبدي
گيتدي حيدركي زهرايه مهمــان
كوفه ايتامي باش سيز قالوبدي
ايله كي باشـيـنـه دگـدي خنجر
یوزدوتوب حقه ساقی کوثر
(فـُزْتُ و ربُّ كعبه) بـويـــوردي
عاقبت رستگار اولدی حیدر
سسلـدي غـمـده غـمخواريـم الله
هـــرزمـــانــدا هــــواداريـم الله
گوزلیور فاطمه جنت ایچره
مـنـتـظـردي گوزل يــاريـم الله
كعــبه ده گـلــدي حـيدر جهـانـه
آبـــرو ويـــردي كـون و مـكانه
مرغ حق گؤرنه تاپدي سـعـادت
اوچــدي الله ايــويــنـدن جنــانه
(آذرين) چـكـمـه ال اوليادن
دامـــن پـــاك آل عـبـــــادن
حـنجـرون بيمه ايله ؛ علي ده
حـاجـتـون ايسته شير خدادن
- جمعه
- 26
- دی
- 1399
- ساعت
- 19:3
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه