مسجدده ای جماعت حیدر بویاندی قانه
محراب و سجده گاه و منبر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
دوردی نماز صبحه آزاده لر امامی
ربیله باشلیوبدی تامعنوی کلامی
تا سجده ده گوروبدی الله شه انامی
ظلم ایتدی ابن ملجم صفدر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
خنجر انوب باشیندان آی مثلی پـار چالاندي
رخسارینه علینون سو تک قانی جالاندی
سسلوب منادی گویده ارکان دین تالاندی
داده گلون نگار کوثر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
تاقانینه اولوبدي حیدر اویرده غلطان
محرابیده محاسن اولدی قانیلا الوان
سسلندی فزت یارب بیردن امام خوبان
شادم اوزوم اگرچه پیکر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
اول صحنیه گلوبلر سرعتله پیر و برنا
گویاقیام محشر مسجدده اولدی برپا
گلدی حسن حسین ده قوزاندی شورو غوغا
آلدی حسن قوجاقه اللر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
گوردی حسن باباسی شق القمر اولوبدي
ابر بهار مثلی دیلدن آقا دولوبدی
گوردی حسین ده برگ ریحان کیمی سولوبدی
سسلندیلر انیس مادر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
جسم علی قویولدی بیر فرش پاره اوسته
حمل اولدی بیت وحیه دلخون و سر شکسته
فوج ملک یراوسته گلدیله دسته دسته
سس قوشدیلار الهی دلبر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
زینب گلوب نوایه آی مهربان بابام وای
تیر غم و بلایه دائم نشان بابام وای
بیکس آناما اولدون سن میهمان بابام وای
سیل تک قانون آخوبدی بستربویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
گلدی طبیبی گوردی باشدا آغور یارانی
عرض ایتدی مجتبایه بوغملی ماجرانی
درمانی یوخ بودردین باغلا باشا قرانی
ارکان دینه والله زیور بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
قان آغلا بوعزاده گل(آذرين )نوایه
اولسا اورکده دردون گیت حیدره دوایه
حیدر آدی دیلونده فخرایله ماسوایه
غملی دیلیله سسلن حیدر بویاندی قانه
ظلمیله قانه غلطان ////مظلوم علی علی جان
سن سن شهید قرآن ////مظلوم علی علی جان
- جمعه
- 26
- دی
- 1399
- ساعت
- 19:8
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه