باشيندا واردي شيعه لر ؛ هواي نينوا حسين
چيخوبدي كعبه دن گيدور ؛ شهيد كربلا حسين
ال اوزدي سعي و مروه دن ؛ قويوبدي حجي ناتمام
صفای عشقیده ايده ؛ اوز عهدينه وفا حسين
گوتور دي يتميش عاشقي ؛ اولوبدي عازم سفر
بير آيري يرده آختاروردي قانلي بير منا حسين
يغوبدي اهل بيتيني باشا گيدور شتابيلن
جهاني قويدي حيرته بو عشقه برملا حسين
زبس كه كاروان گيدور منازيلي شتابيلن
واريدي بيلمورم بوگون عروسي يا عزا حسين
گيدر لباس و زينتي عدو اليله غارته
سويالار كوينگين اونا كفندي بوريا حسين
باخيب دي امر حقه چون آپاردي اهل بيتيني
وگرنه ايلمز جفا عيالينه روا حسين
دولوبدي دور شمعينه وفالي جانفدالري
اولار قوم اوستي بستري باشين اوپر جدا حسين
تلاوت ايليير باشي جداده كهفين آيه سين
جهانه سايه سين سالار عزيز كبريا حسين
نه دشمني ويرر امان نه دوستلاري ايدر وفا
قالار غريب و بي كمك عزيز اوليا حسين
يتيشسه دشت محنته يولين كسر گروه كين
سويين دا قسمت ايليير عدوييلن آقا حسين
گريز وير قلم توكوم عذاره اشك ماتمي
نلر گلوب دي باشينا اميرماسوا حسين
قدم كي قويدي كربلا ديارينه او قافله
سارالدي رنگ صورتي اولوب چوكهربا حسين
بويوردي ايليون بپا خيامي بو مكانيده
گرك اولا مصيبته بو يرده ابتلا حسين
قوروبدي خيمه بير طرف سپاه عشق و معرفت
اويان طرفده جمع اولوبدي لشگر دغا حسين
عدو عنادي باشلادي كسوب اول سويولارين
ترحم ايتميوب عطش سالوب چوله نوا حسين
خيام آل حيدره سو صحبتي فغان سالوب
خصوص سودامر ويروب اوركلره يارا حسين
او قدري ايليوب عطش ربابين اوغلونا اثر
تلذي ايتدي ماهي تك سولوبدي مه لقا حسين
آلوبدي الغرض حسين ربابيدن گول اصغري
گتوردي جرعه ويرسه لر بالايه سو آلا حسين
دوروبدي كفره روبرو بالاسي الده گل فروش
گون آز قالور غروب ايده شفق اولور قرا حسين
بويوردي رحموز اولماسا منه بو طفله رحم ايدون
سو ويرسوز اصغره اگر ايدر سيزي دعا حسين
نقدري چوخ ديدي حسين ايشيتمدي گروه كين
ترحم ايتمدي ولي سيزه بو اشقيا حسين
نشاني گوردي حرمله قويوب كمانه اوچ پر اوخ
چخاندا اوخ كمانيدن سولوبدی برملا حسين
نشانه دگدي اوچ پراوخ بيچوبدي اصغرين باشين
يوموب گوزين اودم ديدي اوليدي جان بالا حسين
او مظلومون قانين سپيپ سمايه پور مرتضي
بو قان اولا حسينچيه شفاعت جزا حسين
بيري سوروشسا نيليك اوركده گيزله نن غمي
بو درده سويله (آذرين) فقط ايدر دوا حسين
- سه شنبه
- 30
- دی
- 1399
- ساعت
- 17:0
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه