بیز که دمادم دییَروق یا حسین
ماه محرم دییروق یا حسین
عشقیله هر یئرده حسین آدینه
نصب اولا پرچم دییروق یا حسین
ماه صفر محضر اربابده
سس سسه باهم دییروق یا حسین
عاشق دلداده دییر یا حسین
ئوز دیلی چوخ ساده دییر یا حسین
اوزمز الین دامن اربابدن
هر ایکی دنیاده دییر یا حسین
تکیه ائدر زایر موسی الرضا
پنجره فولاده دییر یا حسین
شیعه دیین وقتده حسین ، فاطمه
عالم معناده دییر یا حسین
امت اسلامه شرافت وئرر
رهبر آزاده دییر یا حسین
اهل ولا دائم اولار رهبرین
امرینه آماده دییر یا حسین
شوکتیمیز فیض زیارتده دی
عزتیمیز حب ولایتده دی
روز ازل عشقی رقم وورمشوق
عشق ولادن اودی دم وورمشوق
بیز دیل آچاندان دئمیشوق یا حسین
راه ولایتده قدم وورمشوق
شکر اولا باش اگممیشوق ظالمه
حافظه دن ظلمه قلم وورمشوق
سالمیشوق اعدا علمون تپراقا
هر یئره عباس علمون وورمشوق
هر کس حسین پرچمینه چپ باخوب
سینه سینه مُهر عدم وورمشوق
یوخ حرمی فاطمه نون ، عیبی یوخ
سینه ده زهرایه حرم وورمیشوق
فلسفه ی عزت بی خاتمه
فاطمه دور ، فاطمه دور ، فاطمه
حیدریدور قدرت ایمانیمیز
حیدریلن وار قوی پیمانیمیز
مملکت و ملک ولا اهلیوق
مهد ولایتدی بو ایرانیمیز
رهبریمیزدن هله آیریلماروق
رهبره قرباندی بیزیم جانیمیز
چوخ حججی وار آقا امر ایلسه
عشق ائلروق جوشه گلر قانیمیز
سوریه و شامی مرور ایله گور
نِیلَدی سردار سلیمانیمیز؟
داعش و تکفیری و وهابیه
اولدی جهنم دل ِ میدانیمز
محو ائلدوق دشمنون اندیشه سین
ریشه ی ظلمون کسروق ریشه سین
حیدرون عشقینده اسیروخ هله
پیرو احکام غدیروخ هله
عترت و قرآنه وفا ساخلاروق
شاه شهیدانه عزا ساخلاروق
شیعه لرین دوشسه بیری مشگله
بیز هامیمیز تئز وئرروق ال اله
فرق ائلمز شام اولا لبنان اولا
کرب وبلا یا که خراسان اولا
اهل یمن یولداشیمیزدور بیزیم
شیعه هامی قارداشیمیزدور بیزیم
یولداشینون یولداش الیندن دوتار
قارداشینون قارداش الیندن دوتار
دوستلارا بد گونده وفا ایلروق
شیعه دن هر یئرده دفاع ایلروق
شیعه گرک ئوز شرفون ساتماسین
سوز بودی عباس علمی یاتماسین
پایگاه حفظ و نشر آثار عباسی معروفان اهری
- یکشنبه
- 23
- آذر
- 1399
- ساعت
- 16:7
- نوشته شده توسط
- یوسف اکبری
- شاعر:
-
ابوالفضل عباسی معروفان
ارسال دیدگاه