سرلوحه احسان و کرامت دی اباالفضل
دریای وفا کان شجاعت دی اباالفضل
گلواژه زیبای دیانت دی اباالفضل
الگوی شرف اسوه غیرت دی اباالفضل
عباس نه عباس یل حیدر کرار
عباس نه عباس حسینه دل ودلدار
عباس نه عباس اوجابویلی علمدار
تندیس کرم عین شرافتدی اباالفضل
عباس دیمه گوهر دریای شرفدی
عباس دیمه لولو و مرجانه صدفدی
عباس دیمه تالی سلطان نجفدی
حیدر مثلی صاحب ستوتدی اباالفضل
عباس آلوب شیوه احسانی حسن دن
عباس مرام اوسته گچوب باشیله تن دن
عباس حمایت ایله دی شاه زمن دن
سیمای خوش راد و مروت دی ابالفضل
جان لشگراسلامین او سردارینه قربان
ام البنین اوغلی شه دین یارینه قربان
اربابیمیزین قولسیز علمدارینه قربان
چون حمزه کیمین صاحب صولتدی اباالفضل
غملر گتیموشدی آقانون قلبینی تنگه
اولموشدی نشانه اورگی تیر و خدنگه
اذن آلدی حسیندن یتشوب عرصه جنگه
شام اهلی گوروب کوه صلابتدی اباالفضل
سسلندی که ای لشگر بی دین و مزوَّر
عباس منم یارحسین زاده حیدر
سقای لب عطشان گلستان پیمبر
آگاه اولون عین حقیقتدی اباالفضل
اوچ گوندی حسین خیمه لری غرق نوادی
اوچ گوندی سوسوزعترت سلطان هدادی
صوت العطش ساطع اولوب سمت سمادی
بو مطلبه خاطردی خجالتدی اباالفضل
ای لشگرکین جود و کرم کانی حسیندی
هم غیرت و حیثیتین ارکانی حسیندی
حیدر بالاسی فاطمه نین جانی حسیندی
بیربیله بویوک شاهه رعیتدی اباالفضل
- سه شنبه
- 30
- دی
- 1399
- ساعت
- 23:1
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه