عیاندور هرکسین شأن و وقاری ئوز نگاهینده
اولار هر واژه ارزنده اوتورسا جایگاهینده
هر انسان اولماسا تسلیم نفس سرکش و رذله
یقین پیروز اولار دائم درونی دادگاهینده
باش اگمز ظلم و تذویره ، باشیندا کسسلر حتی
گئچر باشدان قبول ائتمز قالا نا کس پناهینده
ریاست اوسته بیرکس کی ائده قان توکمگه اقدام
چاتانماز معنوی آرامشه عمر تباهینده
تباه ائتدی عمر سعد لعین عمرین مقام اوسته
هوای ملک ری معلومیدور روی سیاهینده
بئلینده تیز شمشیری ، الینده ششپر و قلخان
ائدوردی سیر هر لحظه خیالی عز و جاهینده
چاپوردی مرکبین صاغدان صولا صولدان صاغا ظالم
عطش بیداد ائدوردی تشنه شاهین خیمه گاهینده
شقاوت اهلینی دوزمیشدی صف صف دور اخیامه
ئوزی جولان وئروردی خیمه گاهین شاهراهینده
دئدیلر جنگی باشلا ای امیر لشگر کفار
بیرین زنده قویاخ حاشا ، حسینون پایگاهینده
داخی تأخیره سالما صادر ایله جنگ دستورین
کباب اولدی اورکلر اهلبیتین سوز و آهینده
او دم نحس آغزین آچدی اعترافه اول شقی زاده
دئدی هر ایش گره ک اجرا اولونسون ئوز پگاهینده
قویون واضح دییوم من قورخورام اقدام ائدم جنگه
حسینون تاکی وار عباس نام آور سپاهینده
حسین هر امر ائده اوندان اطاعت ایلیر عباس
اجازه اولسا شاهیندن قیامت ایلیر عباس
- چهارشنبه
- 12
- خرداد
- 1400
- ساعت
- 11:14
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه