مبعث اولوب جان سسی .... ارض و سمادن گلور
صوت هلا عالمه .... عرش خدادن گلور
دیللره شور و شعف .... عرشی صدادن گلور
خاتم پیغمبران ... کوه حرادن گلور
گلدی ندا احمده .... عرش خداوندیدن
نفسوی آزاد ایله ... هر رسن و بندیدن
دولدور اورک ملکینی ... شوریله لبخندیدن
قلبه جهانداصفا.... مهر و وفادن گلور
خاتم پیغمبران ... کوه حرادن گلور
نازل اولوب عرشدن .... شوقیله چون پیک حق
واردی دیلینده گوزل .... سوره بنام عَلَق
سسلور اوخی بِسمِ رَب....ای شرف ماخَلَق
رحمت حق عالمه ... بیله نوادن گلور
خاتم پیغمبران ... کوه حرادن گلور
آدم و یونس دگول.... یوسف کنعان دگول
عیسی مریم دگول .... موسی عمران دگول
نوح و شعیب نبی .... یا کی سلیمان دگول
بلکه مه انبیا ..... امُّ قُرادن گلور
خاتم پیغمبران ... کوه حرادن گلور
بت شکن حق گلور بتلاری سیندیرماقا
ملک محبت آرا .... شانلی علم ویرماقا
جهل و عنادین گلور .... ریشه سینی قیرماقا
خلقه بشارت سسی مروه صفادن گلور
خاتم پیغمبران ... کوه حرادن گلور
فاطمه اطهره .... روح و رواندور گلن
حیدرشیرافکنون ..... جیسمینه جاندورگلن
جدحسین و حسن .... حقه نشاندورگلن
نورخدا ایله بیل .... شمس ضحادن گلور
خاتم پیغمبران ... کوه حرادن گلور
گلدی نبی عالمه ... درس مودت ویره
عدلیله حکم ایلیه... مژده رحمت ویره
مهر و وفادن دییه ...خلق آرا وحدت ویره
صوت خوش مرحبا ... کوی وفادن گلور
خاتم پیغمبران .... کوه حرادن گلور
- چهارشنبه
- 1
- بهمن
- 1399
- ساعت
- 12:22
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه