در آهنگ : نوشته روی قلبم به خط کرب و بلایی
سفیر دولت عشقِ جناب خاتم علیدور
امیر نوح و سلیمان ، امام آدم علیدور
شمس نُه سما علیدور
بیزه مقتدا علیدور
بوسوزی خدا دیوبدی
شه لافتی علیدور
آلدون بومنسبی – جانشین نبی
قربان اولسون سنه – نَفسیُ اُمی اَبی
یا مرتضا مدد
قلم یازار کی علیدور امام شیعه و سُنی
اسیر عشقی اولوبدور تمام شیعه و سُنی
مـرتضـا دُرّ صـدفدی
جنت ، ایـوان نجفدی
اونی حق بولمسه هرکیم
ذاتی محتاج شرفدی
آلدون بومنسبی – جانشین نبی
قربان اولسون سنه – نَفسیُ اُمی اَبی
یا مرتضا مدد
آدوندا وار نه ملاحت آدوندی دیر و کنشتیم
بهشته یوخدی نیازیم؛ نجفدی باغ بهشتیم
قسم اُول شـاه وحیده
او شهنشـاه شهیـد
گرد و خاک نجفی من
وئـرم کـاخ سفـیده
آلدون بومنسبی – جانشین نبی
قربان اولسون سنه – نَفسیُ اُمی اَبی
یا مرتضا مدد
علی گلنده جهانه یاریلدی خانه کعبه
اودور کی اولدی کعبه تمام عالمه قبله
هـامـی دردلره دوا سن
ملکـوتـه مقتــدا سن
گورمیوب مِثلیـوی دوران
شـه ملـک لافتی سن
آلدون بومنسبی – جانشین نبی
قربان اولسون سنه – نَفسیُ اُمی اَبی
یا مرتضا مدد
- پنج شنبه
- 2
- بهمن
- 1399
- ساعت
- 22:14
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه