یاراتمیـش بیـر آقـا ذات تبـارک
میــلاد مجتبــا اولســون مبارک
علینـون ای دلاور ارشـد اوغلی گوزی،قاشلاری هم رخساری گویچک
گلـدی بلبـل دیلـه - سنـده دِه عشقیلـه
زهــرادن آل صلــه - اللـــه اکبـــر
بو گون شاد اولدی یارب قدسیانلار
بَزندی عرش و فرش و آسمانلار
گلـوب دنیـایه زهرانیـن نگـاری
جمـال ماهینـه قـربان بو جانلار
یارب نه گوزلدی - طاهایه مَثلدی
تکدی بی مَثلدی - الله اکبــر
گـلِ باغ جنـان مولا حَسندی
رئیـس عرشیـان مولا حَسندی
نگـار مَـه جبیـن کبـریادی
خانیم زهرایه جان مولا حَسندی
عالمده سسلیور - حاتمده سسلیور
هردمده سسلیور - الله اکبـــر
اگـر یوسف گـوزلدی بی مثلدی
آدی دیللرده شیریندی عسلدی
نقـد زیبـا اولا یـوسف ، یقینـاً
امـام مجتبـا اونـان گـوزلدی
گوز یاشی چای اولماز - بیر بیله پای اولماز
گـون بونـا تـای اولماز - الله اکبـــر
- جمعه
- 3
- بهمن
- 1399
- ساعت
- 20:16
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه