اولسا امکان یازارام خلقه حکایت بوگجه
ائدرم محنت مولانی روایت بوگجه
الیمه دوشسه اگر دفتر دیوان خدا
یازارام گوز دُولی یاشیله شکایت بوگجه
کوفه نا اَمن اولونوب کهف امانه یارب
آغلیار غربت مولایه جماعت بوگجه
سفرۀ بَذل نبی دَه اوجالان ناکیشی لر
عجبا ایلدیلر گور نجه حرمت بوگجه
وئرماقا یاره دلِ چون گهر طاهایه
کینه دن اَل بیر اولوب اهل شقاوت بوگجه
واردی نیت لری بر ظلم ائدلر دنیایه
عالمی تا کی آلا سایۀ ظلمت بوگجه
آتاسیزلار آناسیزلار اولالار بیرده یتیم
غم عضمایه دوشه یکسره اُمّت بو گجه
قیزی کلثومیه مهمانیدی خیبر کَن علی
ایلمیشـدی و دل افسـردیه اُلفت بوگجه
خانه دن چیخدی علی کوفه نی محنت بورودی
بئله بیر حاله یانوب روح نبوّت بوگجه
در و دیوار دیوردی آقاجان گتمه دایان
پیشواسیز ائده تا خَلق عبادت بوگجه
بوشلا بو ملتی گل زینبیوون فکرینه قال
گتمه تا کی قالاسان ساغ و سلامت بوگجه
دئدی من گتملیم فاطمه گوزلور یولومی
منه خاطر بذنوب یکسره جنت بو گجه
دایانوب سر درِ جنتده عزیزیم زهرا
ائده تا باش یارامی بلکه طبابت بو گجه
گورمگه فاطمه نی گویلوم او قدری داریخیر
ایستورم تا کی قوتارسین غمِ فرقت بو گجه
مسجده وارد اولان وقتیده حس ائدی علی
اوجالور عرشه قرض بوی خیانت بو گجه
آشدی سجاده سینی حَقه توکل الدی
ایلییه تا حقِ مننه عبادت بو گجه
سجدیه گئدی علی قاخدی گویه تیغ جفا
اولدی شمشیره هدف رأس امامت بوگجه
سیندی باش کاسه سی امامه بولوندی آرادان
تپراقا دوشدی علی اولدی قیامت بوگجه
- شنبه
- 4
- بهمن
- 1399
- ساعت
- 19:35
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه