مسیحیده نفس مشکبو حسینوندور
کلیمیده هوس گفتگو حسینوندور
خلیلی نور حسین هر بلاده فاتح ائدوب
ذبیح جانینه اعظم گرو حسینوندور
گلنده قبرینون آدی اگر اورک یاریلا
گوررسن اوندا بوئوک آرزو حسینوندور
ائدوب آناسینا مهریّه خالق داور
بو یئر اوزونده اولان عمده سو حسینوندور
اودورکی اولمیاجاق منکرون نمازی قبول
گوتورسه هر سودان آب وضو حسینوندور
قانیلاوئردی حسین گلشن رسالته سو
گل محمّدی‌ده رنگ و بو حسینوندور
گوزی باخا باخا دیلسیز بالاسین اوخلادیلار
دئدی‌خدا بوگُل سرخ‌رو حسینوندور
شکایت ایله‌مدی امّته دعا ائلَه‌دی
بو نیک‌خصلت‌وخوی‌نکو حسینوندور
جزا گونی قورولار دادگاه عدل خدا
او گون محاکمهٔ روبرو حسینوندور
سنه‌اهانت‌ائدن(منزوی)حسینه ائدیر
سنون اوزونده اولان آبرو حسینوندور
- پنج شنبه
- 9
- بهمن
- 1399
- ساعت
- 23:21
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه