من حسینم گله هر کیمسه منیم مکتبیمه
آغلیار هم منه هم قدّی کمان زینبیمه
ایلییر زینب - دردینه درمان
من اؤزوم قیلاّم - مشکلون آسان
قویموشام عالمی حیران بو گؤزل همّتیمه
هامی واله‌دی بو هیهات منّاالذّلّتیمه
هر بیر آزاده گلر مکتب حُرّیّتیمه
درس آلار مندن - قالماز آواره
اگمدیم من باش – قوم کفّاره
وئرموشم دین یولونا یئتمیش ایکی آلاله
بویانوبلار هامی‌سی قانلارینا چون لاله
ائتموشم مقتل آرا اونلارا آه و ناله
شمع عشقم من – سؤنمرم یارب!
حق طریقیندن – دؤنمرم یارب!
هر شهیدین باشینون اوسته اؤرَک داغلاموشام
دامنِ صورته اشک دِلیمی باغلاموشام
اکبر و اصغر و عبّاسیمه چوخ آغلاموشام
شاهدیم گؤزدن – بو آخان یاشدی
کربلا دشتی – کعبه‌دن باشدی
رسمدور درده دوشن گونده جگر قانی ییور
وئرورم جان، اودی کی بیت خدا قاره گییور
یاریمه یاره‌لریم هر بیری بیر حمد دیور
چوخ ویروب دشمن – جسمیمه یاره
یاره‌لر گولدور - یوللورام یاره
من کیمی هاردا سوسوز شاه، بئله قانه باتوب؟
من کیمی هاردا بیری غایتِ آماله چاتوب؟
من کیمی هاردا بیری گؤزدن عیالینی آتوب
ای «بشیر»! آغلا – سن بو هیئتده
قویمارام تنها – من قیامتده
- شنبه
- 21
- فروردین
- 1400
- ساعت
- 18:14
- نوشته شده توسط
- یوسف اکبری
- شاعر:
-
سیدبشیر حسینی میانجی
ارسال دیدگاه