ریاضته چخارون یوخدی، خرقه پوش اولما
بدون صبر و توان بار غم بدوش اولما
یوخوندی رَطل گِراندا شراب نابون اگر
دیار مستی عرفاندا باده نوش اولما
قبول ایدوبسن اگرمرتضانی مُرشدعشق
حقیقت اوستونه پَرده چکوب خَموش اولما
بدون موج خروشان اولانمَز اقیانوس
مجاهدتده تلاش ایله بی خروش اولما
وصال حضرت مَعشوق بَذل جان ایستر
هَوسله منتظر وعدۀ سروش اولما
باخ ئورگن عشق ووفا آل ویرین اَبوذردن
گورنده کیسۀ زر ، تز علی فروش اولما
- جمعه
- 10
- بهمن
- 1399
- ساعت
- 20:23
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه