جان خاتمدور علي هم روح آدمدور علي
شاه اعلمدور علي - استاد حاتمدور علي
پادشاه يوسف وعيسي ابن مريمدور علي
شاهكـاره خلقت خـلاق اعظمـدور علي
بر دهان دشمن دين مشت محكمدور علي
خلق اولانلار يكسره بير قطردي ؛ دريا علي
چون يازيلميش طاق عرشه عالمه مولا علي
غـزولـرده مصطفا سسلـردي تئز تئز ياعلي
آچ اليـن عشقيله سنده سسله يا مولا علي
دوز چاغيرسا كيم عليني اونلا باهمدور علي
مصطفي معـراج ائدنـده يانـدي گويللـر مشعلي
مصطفائيلـه دانيشـدي گويـده چـون رب جلي
سسلدي طاها بو سن سن ؟ سس گلوب حقدن بلي
سوز منيـم دور بحث يوخ صحبت ائـدن اما علي
چون روموزات حقه سن مثلي محرمدور علي
مرتضا والشمش و والفجر و ضحي دي؛ حقيدي
حق عليـدي ؛ حقـه ده مولا علي ملحقيـدي
مهـر مـه نـور عليـدن بيـر بئلـه مشتقيدي
حق حيدر حقيـدي ؛ الله ديوب حـق حقيدي
حقي اظهـار اتمگـه دائم فراهمـدور علي
مرتضا معناي قران ؛ قرانين هـر مديدي
سيل اهريمنللـره واللهي حيدر سديدي
دشمنـان حیـدره قعـر جهنـم حدیدی
هركسين حُب عليسي اولماسا مرتديدي
چون ديوب خالق اوزي حق مسلمدور علي
گرچه الان شيعه نون دشمن آلوبدي تابيني
ايليوب كم رنگ و بي ارزش اونـون آدابيني
شيعـه نون الله يتـور غيبتـده كي اربابيني
محـو ائـده تاير اوزونـن بي شرف وهابيني
عالمـه ثابت ائـده سلطـان عالمدور علي
وئر اجازه تا گلـه غيبتده كي بـي كس امام
قبر زهراني تابوب زهرايه وئرسون بير سلام
سسليـه مهـدي منم آگاه اولـون قوم ظلام
قاتـلان شيعـه دن آلسين او سلطان انتقام
قتل و عام شيعه دن چون حالي برهمدور علي
ظلم الينن شيعه لر گونده دوشور حالدان حالا
گوندر اُول سلطاني گلسين باشلارا سايه سالا
قويمـا بونان آرتيـخ اللـه مهدي غيبتده قالا
مرتضانين غصب اولان حقين گلوب مهدي آلا
سويليـه تا جانشيـن حق خاتمدور علي
باشلاسـا بيـر محكمـه جـانلار اسـر ياپراق سياق
حق حيـدردن اوتـور گـردن وئـرار گـوزدن ايراق
سويلييـر گلـديم علـي حقيـن آلام اهـل عـراق
گرچه داندوزحقینی مين دوت يوز ائيل بونان قاباق
اينـدي گلديم تا دييـم حق مسلمدور علي
مرتضانين خوش گونون اوندا ائدوبسوز سيـز قارا
صبرينون جان رشته سين ظلميله ائدوز سيز پارا
بعـده پيغمبـر وئـروبسـوز قلب زهـرايـه يارا
مهـديا قربان سنه گـور سـوز گلوب هاردان هارا
كوفـه اهلي بولمـدي شـاه مكرمدور علي
سيلي وئـردوز ظلميلـه زهرايه اوتلاندي علي
يانديروبسوز درگهين درگاهي تك ياندي علي
فاطمـه قانـه بويـاندي اشكـه ايسلاندي علي
غسل ائـدنده ياره سين گوردي الولاندي علي
سويلدي بونان بئله دوستاق ماتمدور علي
نه شقـاتله آلوبسـوز حيـدرين تـك دلبـرين
قلبينـي ياره ائـدوب سينـدردوز آخـر اللرين
بي وفـالر قويـدوز آغـلار مرتضانين گوزلرين
جمع اولوب سينديردوزآخر راس پاك اطهرين
كشتـه مظلـوم دست ابن ملجمدور علي
- دوشنبه
- 13
- بهمن
- 1399
- ساعت
- 16:59
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه