آنام نشانی زینب چاتدوخ کربوبلایه
گلدی غملی قطاریم بو دشت نینوایه
درده درمان کربلا
تپراقی قان کربلا
سنده یاتان اربابه
جانیم قربان کربلا
«آی کربلا کربلا »
بو چولده عرشه منیم روحیم پرواز ایلییر
عرشه بو قانلی تربت همیشه ناز ایلییر
قان ایچینده قارداشون راز و نیاز ایلییر
تا چاتسون درد و غمی بلکه باجی دوایه
بو قورخولی چول منه ایستکلی بیر وطندی
چونکی بو چولده باجی زلفون منه کفندی
منه قاره تپراقی هم مسکن هم مدفندی
حاضر اول بو صحراده هر درد و هر بلایه
قلبون والله بو چولده درد الینن اوتلانار
خیمه لریم ظلمیله غارت اولونوب یانار
جدیمه بنذر اوغلوم بو صحراده دوغرانار
پیکری یکسر یاره مهمان گئدر زهرایه
قاچا قاشدا زینبیم چوخلی گوزله اوزونن
یاندیرما کوفیانی نیسگیلی غم سوزونن
اوچ شعبه اوخ وئرالار عباسیمون گوزونن
نیسگیلی جان وئرمگی تاثیر ایلر اعدایه
نه دیوم زینب سنه عشقیدن یا وفادن
قلبیمون باشی یانار بو صحراده جفادن
باشیمی دشمن کسر ظلمیله چون قفادن
نصب ایلّلر باشیمی باجی نوک جدایه
یازسا « پریشان » نوحه آغلادار کبریانی
یاندیرارغملی سوزی یکسر چون ماسوانی
حسین حسین سسلدی گورمیوب کربلانی
قسمت ایله تربتون یوزی قاره گدایه
- سه شنبه
- 14
- بهمن
- 1399
- ساعت
- 20:18
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه