سفیـر عشقوَم حسین سنه حمایت ایلرم
ئولونجه هر یانا گِئدم غَمون حکایت ایلرم
ئولمده شام و کوفه ده؛اینان قیامت ایلرم
کـلام آتشینیلـه جهـانی یـاندیرار باجون
طنابه باغلی اولسادا یزیدی سیندیرار باجون
کَسونده اولماسا اگر قان آلماقا ئوزوم بَسَـم
ابوالفضیـن مثـالی مـن شجـاعتـه مُلَبَسَـم
گـرکـدی ریشـة غـم و عـداوتی اِله کَسَـم
کی زینبی بو کوفیـان شبیـه مرتضا دییه
منـه علی و مالکیـله حَمـزه مرحبا دییه
چتین زماندا یا علی دیَنده جان آلار باجون
آلـوبدیـلار توانیـوی ، اِلـه توان آلار باجون
توکوبله قانوی اگر اینان کی قان آلار باجون
صلابتیلـه زینبـون بو شام و کوفه نی آلار
دیلینده یا علی مدد یزیدی تختیدن سالار
- سه شنبه
- 14
- بهمن
- 1399
- ساعت
- 20:41
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه