خوش گلوبسوز ای نام آور شهیدان
گل مِثلی اولوبسوز پَر پَر شهیدان
لایلای ای گُون تَک مغربده باتانلار
لایلای ای ظلمیله قانه باتانلار
دائم سسلروق لایلای شهیدانه
چوخداندی گوزلوردی سیزی مادرلر
گوزی یولاردا قالموشدی خواهرلر
سیزه لایلای دییوردی برادرلر
آغلیور سیزه بیر کشور شهیدان
قرآنه قرباندی پیکر پاکوز
گلدی نشانه بیزلره پلاکوز
بیر ملت اولوب عاشق و هلاکوز
ای حق جویانِ دلاور شهیدان
سیز قانه باتدوز قرآن اوجالاندی
نیسگیلوزده بیر مَملکت اُودلاندی
وجودوز ابوالفضل کیمی دوغراندی
پیکروز یاره‌دی یکسر شهیدان
دشمن هر نه دیور دئسون آغلاروق
غموزده گئجه گوندوز دل داغلاروق
مهدی گلینجه سیزه یاس ساخلاروق
آغلاروق ای جسمی اَطهر شهیدان
قانوزه ایران یکسره مدیوندی
ایران و ایرانی سیزه ممنوندی
پریشان دائم گریان و دلخوندی
سیزلردن شفاعت ایستر شهیدان
- شنبه
- 18
- بهمن
- 1399
- ساعت
- 19:29
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه