اربعینه گلوبدی زینب
قلب ظلمـی دلوبدی زینب
گورجغین آلتی گوشه قبرین
ئولمیوب دینجلوبدی زینب
ای منـی بـی پناه و آواره قویان
دور حسین زینبون گلوب یاتما اویان
اویان قارداش - اویان قارداش
گور نجه حاله قالدی زینب
باشینه قاره سالدی زینب
کوینگون تا آلونجا قارداش
جانه گلدی قوجالدی زینب
کوینگون من آلونجا قدیم بوکولوب
اشک ماتم بو دیده لردن توکولوب
سسله عباسیمی اویانسین
نیسگیلینده بو سینه یانسین
تا حرملر دویونجا بوردا
آغلیوب باشینه دولانسین
چوخ یوروب شام و کوفه یالقیزلاریوی
آغلیاندا ووروب عدو قیزلاریوی
ای باشی چوخ بلالی قارداش
دور حسین جان یارالی قارداش
اوت ووروبدی منه ابوالفضل
سیزدن اولموش آرالی قارداش
یتمیش عاشق بی یرده پیوسته یاتوب
تکجه عباسیم آیریلوب خسته یاتوب
اویان قارداش اویان قارداش
- چهارشنبه
- 22
- بهمن
- 1399
- ساعت
- 14:34
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه