الهی آرزو ائتدیم اورك قان اولماسین اولدی
اورك‌قان‌اولسااولسون‌غَرق‌عُصيان اولماسين‌اولدی
زِ بَــس كـی معصيـت‌لـردن قـرآلدی نامه عمـروم
گمـان ائتـديم آديم رسـواي دوران اولماسين ؛ اولدي
مُـزَيّــن اولدی پـرونـده ام گناهيله ؛ نَدور چـارَم
دييَـرديـم دِل مُريـد اَمـر شيطان اولماسين ؛ اولدی
اگـر چـه غـرق عُصيـانـم وليكـن فطـرتيـم آغـدی
بو آغ فطـرت تلاش ائتديم كی اَلوان اولماسين ؛ اولدی
اگـر نـالايـق اولسامـدا علـی بـی شك اماميمـدور
دئـديم دل شـرمسـار شـاه مردان اولماسين ؛ اولدی
حُسينـه عاشقـم گر چـه ؛ چوخ ايسترديـم گوزوم ياشی
داخـي شـرمنـده شـاه شهيـدان اولماسين ؛ اولدی
گناهيم‌چوخدی‌خيريم يوخ‌اَليم بوشديی اَليمنن دوت
كی بلكـه فكـر و ذكريم آه و افغان اولماسين ؛ اولدی
پريشـان آدلانـوب آديـم ؛ دييَـرديم لااقـل روحيم
بـو حَجـم معصيت لردن پريشـان اولماسين ؛ اولدی
- چهارشنبه
- 22
- بهمن
- 1399
- ساعت
- 16:5
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه