گزورم هر کانال الله دیولور وای خبری
کرونا اولدی جهاندا جان آلان جان خطری
ایله آشفته دی دنیا قاروشوب بیر بیرینه
چاره سیز درده سالوبدوربوبلا چوخ نفری
بو جهانگیردی دوتان جاننی الدن ویروری
گوزیومورشب یاتا آمّا آچا بولمور سحری
دوزروخ زلزلیه "سیله "ولی یوخدی خدا
اولا بو درده دوا هم داغیدا غصّه لری
یتوشوب میلیونا دنیاده دوتان بو مرضی
سُوو بو دنیادن الهی بو قضا و قدری
بو آرا چوخلی پرستار و اطبّا چالوشور
خادم ملّت اولوب زحمتینین وار ثمری
ولی بیرعدّه یری بیل لیری تخم غم اکه
اندیره بو فقرانون باشینا بیر تبری
آدی انسان اوزی شیطان صفت و پول پرست
چکوری نقشه پولون دایره سینده وَتَری
ایله لعنت بیله ایّامده هر محتکره
گوربه گور ایله اونی گورمیه بیرده قَمَری
بیرطرفدن بو بلا وار گونی گوندن بهالیق
اود اولوبدی فقرایه جانا سالسون شرری
بیر طرفدن بیبی سی کافر اولور حق عمله
یالانی دوغری یرینده دیوری هر خبری
اکیری تخم عداوت ایله بیر بستان اکیر
یاخشی حاصلده چالور شوقیله طبل ظفری
دوغریه اوخشادا مین رنگه بویورهریالانی
یغا تا دورسینه دنیادا کوته نظری
گله لعنت بیله اخبار دیینه باش کسوری پامبیقلان
بولوری عاقل اولان فرده سوزون یوخ اثری
گلمیشم ایندی خدا درگهیوه یالوارورام
بودی بوسوزلرایچنده سوزومون ماحضری
سنی زهرا بیله گونلرده اولوم ویرمه بیزه
وار قاباخدا بیر آغیر گرچه قیامت سفری
سنه ای مین بیر آدیله دیولن حی و قدیم
قادر مطلق اوزون سن یارادوبسان بشری
ویرموسن وعده بیزه مهدی موعود گله جاق
اونی تز یولا خدا یانمیه تا خشک و تری
(عدلیم) نوحه یازان ای اوخیین سوزلریمی
یازدیقیم سوزده دیمه وار غرضی یا نظری
- پنج شنبه
- 18
- دی
- 1399
- ساعت
- 12:35
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه