دختر شاه جنانم شکر سبحان ایلرَم
جانیمی قربان دین شاه مردان ایلرم
شامیان بنت الحسینم٬ دختر زهرا منم
بیر باخیش باخسام اوتی٬ والله گلستان ایلرم
قطره دی غیرت ولکن غیرتین دریاسیم
زینبین شاگردیم غیرتده٬ طوفان ایلرم
شیریزداندور بابام٬ بیراللی خیبر قوزویان
منده بو معجرله کارِ شاه مردان ایلرم
ماریدی عباس عموم میداندا مفرخ ایلدی
بولمه رم قورخی ندور دنیانی حیران ایلرم
باخمویون هنداوغلونون ظاهرده تاج و قصرینه
ایستسم آهیمله قصرین آنی ویران ایلرم
گوشهٔ ویرانمی وِئرمم جلال و تختینه
فاطمیدور عفتیم بو عشقی اعلان ایلرم
مرتضانین ذوالفقاری آهیدور سینمده دور
ایستسم تپراقیله تالاری یکسان ایلرم
ئورگدوبدور منطق و عزت منه عباس عموم
غیرت ناب ابولفضلی من اعلان ایلرم
باخمیویون قول باغلویام من گوشهٔ ویرانه ده
ال دعایه قوزاسام ویرانی رضوان ایلرم
- جمعه
- 24
- بهمن
- 1399
- ساعت
- 17:58
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه