ای دردیمین دواسی مندن اوزاقه گئتمه
سال قال یانیمدا باری قارداش عراقه گئتمه
قارداش گجه یوخومدا بیرخانواده گوردوم
ویلان او اهلبیتی دشت بلاده گوردوم
بیر صودامر بوغازین نوک جداده گوردوم
چوخ قورخورام علی جان بو اتّفاقه٬گئتمه
رویاده ظهر وقتی بیر گاهواره گوردوم
سولموش سوسوزلیقیندان بیر شیرخواره گوردوم
بیرده یانان چادردا من گوشواره گوردوم
چیخموشدی وا صداسی٬تا نُه رواقه گئتمه
گوردوم او کشمکشده حیران قالوب اوشاقلار
اوتدا ائله قاچوللار تاول چالوب ایاقلار
کیم قاچماسا او چولده آتلار اونی ایاقلار
رحم ایئلمز او لشکر خیردا اوشاقه گئتمه
فکر ایلیسن یوخومدا اعدا او ظلمه دویدی؟
زهرا جانی برادر دشمن او قومی یوردی
گه تازیانه ویردی٬گاهی خیامی سویدی
طاقت یوخومدی سنسبز اؤللم٬اوزاقه گیتمه
بیر عورتی گوروردوم جانی یتوب دوداقه
هرکس ویروردی قمچی گوزدن ایراق اوشاقه
فوراً قولون وئروردی او باوفا قباقه
جسمی اونون یارادی باشدان ایاقه گئتمه
- جمعه
- 24
- بهمن
- 1399
- ساعت
- 18:3
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه