بو گجه مدینه دَن اِئللریم گئدور منیم
قارَه گونلَریم گَلور ، اکبریم گئدور منیم
کاش بَختیم اولدوزی بوگجه سوزولمَه سین
غملریم آشوب داشوب یان یانا دوزولمَه سین
یوسف مدینه دَن اَللریم اوزولمَه سین
سوز باشی دیلمدَه کی اَزبریم گئدور منیم
دائماً فراق اولار بختی قارَه حِصَّه سی
گئتدیلَر گئدنلَریم قویدولار بو بی کسی
زنگ کاروان اولار یولدا صوداَمر سَسی
گاهواره ده یاتوب اصغریم گئدور منیم
وادیِ غَمه فَلک ایستَدی قَدم قویام
آغلیام گجه گونوز رَخت عیشیمی سویام
فاطمه نَنَم کیمی روزگاریدن دویام
درد و غم زَوالینه پیکریم گئدور منیم
منشی قضا یازان دوشمَه سین گرک گجه
کاروان دوشوب یولا باشلیوبدی یول گجه
فاطمه مَزارینی ترک ائدور بابام نجه
شاه مُلک اِنس وجان سَروریم گئدور منیم
- یکشنبه
- 13
- تیر
- 1400
- ساعت
- 17:23
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه