ائیلمه فردوس اعلاده مکان یا فاطمه
محبس بغداده گل ایله فغان یافاطمه
اون بیرایلدور محبس تاریکده محبوس اولوب
اوز حیاتیندن بو قلبون میوه سی مأیوس اولوب
کنده و زنجیریله بیرعمردور مأنوس اولوب
جان وئرور زنجیرینی یوخدی آچان یافاطمه
بیر نفر بو بیکسین گلمور ائده حالین سوال
گوزلری یولدا،یوزی یرده اوزی افسرده حال
گول کیمی سولدی خزان اولدی سارالدی بو جمال
سولدورور آری گولی باد خزان یافاطمه
یوخ دِئَن نه جرم ایدوب بو حجت فرد و صند
هانسی جرمیله اولوب محکوم اولا حبس ابد
بیله مظلوم اولمویوب اولماز جهاندا بیر احد
حالینه آغلار یقین اهل جنان یافاطمه
گورمیوب دنیا گوزی سِندبن شاهک تک شقی
چوخ اذیت سِندیدن گوردی امام متّقی
من دئمم سالدی نه احواله امام مطلقی
شتم و سیلی، تازیانه، وار یازان یافاطمه
هچ مصیبتده بوغم تک قدسیان آغلاشمادی
بحر قهر لایزالی نولدی علت داشمادی
جان وئرن ساعتده ده زنجیرینی سند آشمادی
وئردی جان مغلول امامِ انس و جان یافاطمه
- شنبه
- 25
- بهمن
- 1399
- ساعت
- 22:37
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه