من ازل گون عهد قیلدیم خالقِ سبحانیله
جان وئرم جانانه لب تشنه، دل سوزانیله
ای باجی عاشق گرکدور عاشقانه جان وئره
عشقینی تا روز محشر عالمه اعلان وئره
صادقم عشقیم گرک دلداریمه پیمان وئره
دوغرانا اعضای جسمیم خنجر برّانیله
دسته دسته جمع اولار کرببلایه قوم کین
اؤلدور انصاریمی لب تشنه اصحاب لعین
پیکریمده آت چاپالّار اولما زار و دلغمین
داغ کیمی صبر ایئله هر غمده دلِ سوزانیله
ریزه ریزه دوغریالّار اشبه پیغمبری
خیمیه حمل ایلرم قانلی عباده اکبری
گل کیمی خندان اولار میدانیده گول پیکری
آیری رفتار ایللویلر ناطق قرآنیله
من نجه ابراز ائدوم دلده یانان احساسیمی
قطعه قطعه دوغرویاللار اشقیالر قاسمی
تپراقا السیز یخار آهن عمود عباسمی
ساغ گوزون دشمن یومار بیرزهریلی پیکانیله
یاندیرار سوز عطش بو آلتی ایلیق اصغری
اوچ پر اوخلا اوخلویاللار نوگل پیغمبری
اللریمده قانیله الوان اولار گول حنجری
روز محشرده قیامت ایلویر بو قانیله
اوندا کی یالقیز گورر بی کس منی، اشرار شوم
داش آتان خنجر ویران، ایلر هجوم اوسته هجوم
یاره لر گلمز شماره پیکریمده چون نجوم
ایلرم احیای قرآن ذکر یا رحمانیله
شمری گورسن اگلشوبدی پیکریمده، یوم گوزون
التماس ائتمه او ملعونه یره دوشسون سوزون
سن بیل عباسین سینخ باشی ایتیرمه تز اوزون
شکر ایله ساعت به ساعت محضر سبحانیله
- دوشنبه
- 27
- بهمن
- 1399
- ساعت
- 20:11
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه