شامیدن عازمدی زینب کربلایه دور گئداخ
یاتما توزلی قبریده،گلمه نوایه دور گئداخ
تاپدی پایان شامیده رنجِ اسارت دور قیزیم
آل طٰه اولدی دست غمله راحت دور قیزیم
دور گئداخ خاک شفایه یوخدی محنت دور قیزیم
کاروان عازمدی دشت نینوایه دور گئداخ
گرچه عزّت تاپدی سنله دهریده بالمرّه شام
حیف اولا عمرون گونی ویرانه ده اولدی تمام
زینبی تک قویما یولدا فاطمی اوخشار بالام
منتظردور اکبرین،مُلکِ وفایه دور گئداخ
شامیده قالدی قیزیم،شمر و سنان و حرمله
نه سینق محمل،نَده وار یولدا اوزگه مسئله
نه نگبهان الده وار نیزه، نه رنجِ آبله
سنکی دوزدون شامیده هر نوع بلایه دور گئداخ
جان رقیه دور گئداخ قوخما ملال زجریدن
یوخدی یوللاردا عدو،قوخما سنان و زجریدن
زبنبی بی بهره ائتمه کربلاده اجریدن
لعن اولا بو فرقهٔ پست و جفایه دور گئداخ
اصغرین یول گوزلوری چشم انتظاروندی غمین
باجی قارداشدان اوزاق دوشسه چتیندی چوخ چتین
منده قارداشدان آرالی قالموشام بیر اربعین
ناامید ائتمه منی،باب نجایه دور گیداخ
کربلایه گلمه دین سن،شامه من گلّم قیزیم
گوزیاشیملان بو مزارین توزلارین سیلّم قیزیم
فاطمه جانی سنی من گورمه سم،اؤلّم قیزیم
هر غمه دوزدون رقیه،ابتلایه،،دور گیداخ
قبریوه قربان اولوم ای دختر حبل المتین
شکر اولا گوردی مزارین بو «فقیرِ» دلغمین
تلّیده بیر اربعین شعری یازوب بیر اربعین
عرض ائدوب اوز طبعینه،شامِ بلایه دور گیداخ
- پنج شنبه
- 30
- بهمن
- 1399
- ساعت
- 11:48
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه