سجده گهده قان ایچنده،شاه لافتیٰ یخلدی
سس گلوبدی لامکاندان، میر ماسوا یخلدی
باش سینوبدی قان آپاردی، شیرلم یزل، یارالی
پشتِ پرده ده گوروردی آیتِ ازل، یارالی
قوللارون آچوبدی زهرا، سسلنوردی گل، یا الی
باشینه دگنده خنجر اوندا مصطفی یخلدی
قان آپاردی سجده گاهی، دوشدی ماه دین کسوفه
ائیله زهریلی قلیجنان، ویردی او شه رئوفه
بیرده بئله یاره گورمز، تا قیامت اهل کوفه
آغلادی رسول خاتم، عرش کبریا یخلدی
گو کیمی ویروب مرادی، هامّی کس لرین پناهی
قالدی کوفه ده یتیمان، یاندیرار جنانی، آهی
کعبه ده جهانه گلدی، مسجد اولدی قتلگاهی
کعبه آغلادی بو غمده، ایلدی نوا یخلدی
ائتدولر ایوه روانه، قان ایچنده بوترابی
دوشدولر دالیجا ایتام، یوخ بیرنده صبر وتابی
عدله ضربه ویردی ظالم، پوزدی نظم انقلابی
کیم گوروب او حالی آغلور، معدن سخا یخلدی
بولمورم نیه دایاندی دفتر اوسته نوک خامه
ظلم و جور قوم اعدا بس هاچان چاتار تمامه
یول آچوب «فقیره» طبعی،گئتدی کربلایه خامه
دورت مین اوخ بدنده عطشان، شاه کـربلا یخلدی
حیدری سالوب ایاقدان، سجده گهده باش یاراسی
شکر اولا لبینده یوخدی،اوخ یاراسی،داش یاراسی
ویدرلار حسینه بی حد، خنجر و آغاش یاراسی
باش باشا یارادی جسمی، مقتله آقا یخلدی
پاره پاره جسمین اوردا، قویدی قوم باطل عریان
باشینی کسوب اون ایکّی، ضربتیله شمر دالدان
قوی قالا نه حاله سالدی، نعشینی سُم ستوران
هاردا سینه سی سوکولدی،شاه نینوا یخلدی
- یکشنبه
- 3
- اسفند
- 1399
- ساعت
- 22:32
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه