کرم ایله خدای من بو طبعیم تا اولا گویا
یازا مدح علینی چون علیدور مظهر یکتا
اگر جرات تاپا خامه مقام عشق مولادن
دیر همراه و همراز پیمبردور شب اِسراء
شب اِسراده واردور چوخ روایت احمد مختار
صدانی آشنا بولدی او یرده قوس او اَدنا
علی الله دگور لیکن او آللهدان جدا اولماز
علینون عشقینه آدم تاپوبدی تاج کرّمنا
ایدنده ترک اولاء سس گلوبدی اِهبِطو آدم
دیلینده ذکری اولمازدی بجز حیدر علی مولا
خلیل یکتا پرستیدی ایدوب جرأت یانا اودّا
سالوب یاده همان دَم التجای آدم و حوّا
علیدورعلّت غائی ازلدن خلق اولوب نوری
بو موسایه ویروب عزّت تاپا تا بیریَدِ بَیضا
بودور بخشش ایدن خضره حیات جاویدان تاپسون
دمی دَم دور مسیحایه تاپولدی تا دم عیسا
علینون مدحتینده چوخ ایدوب قرآن کلام الله
علی حق و علی والا علی عالی علی اعلی
گر اولسا عاشقی مغرور سزادور مهر مولادن
یاشارکوی محبّتده باشیندا سایۀ طوبا
دلا شادی ایله عالم اولوب بو گونده نورانی
ولایت شاهی گلدی بوعلی دور آیت کبری
جدارکعبه منشق دی گوروشدی صاحب خانه
اولوب بت خانه لر ویران مقدس مسجدالاقصی
بقدر وسعتی هر مور ایدر وصف سلیمانی
سوسوز لوق قدری میل ایلر بیری گورسه لب دریا
.
سوسوزلوق سوزِ دِل گتدی اورک یاندی گوزوم آغلا
حسین تشنه لب باخدی فراته یوم عاشورا
ایا صاحب زمان عفو ایت سئوالیم وار جوابین ویر
دگوردی بس فرات آیا آنان مهریه سی زهرا
ندن لب تشنه جانویردی عمون عباس اوزی سقا
عدو سو یولارین کسدی ایدوبلر دینلن سودا
آتوب اوچ شعبه لی اوخ اصغرشش ماهه اوخلاندی
ویروب لبخند دئیدی گویا تشکر ایلرم بابا
شها کوی محبتده گزر «عدلی» اولار درویش
دیر منصوب درگاهم سنی زهرا ایله امضا
- جمعه
- 8
- اسفند
- 1399
- ساعت
- 22:33
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه