کیم حیدره دل ویرسه بودنیانی بگنمز
بی عشق علی لذت دورانی بگنمز
کیم گورسه اگرجلوه ی سیمای علینی
اون دورت گجه لیک ماه درخشانی بگنمز
کیم دالدالانا سایه ی الطافینه والله
جنتده کی اول سایه ی طوبانی بگنمز
بیریول گوره کیم مرقدینی شهرنجفده
دلداده اولوب،روضه ی رضوانی بگنمز
موسی گوره گرحیدرین ایوان طلاسین
مبهوت قالوب طوریله سینانی بگنمز
عیساده زیارت ایده گر قبرعلینی
تیترراوره گی دیروکلیسانی بگنمز
یعقوبه ده گرقسمت اولا رویت حیدر
واللهی اودا یوسف رعنانی بگنمز
کیم باشه قویاافسر سربازی حیدر
تخت زریله افسرشاهانی بگنمز
نوکربیله هرکس که اوزون شاه ولایه
نوکرلیق ایده ر منصب سلطانی بگنمز
کیم واقعی مسلمدی اولارپیرو حیدر
بی مهرعلی نیزه ده قرآنی بگنمز
کیم اولسا رسول اللهه عالمده وفادار
بوبکروعمر،کینه لی عثمانی بگنمز
"ناعم"که آلورجیره سینی باب علیدن
آیری قاپیدان عجز و تمنانی بگنمز
- شنبه
- 9
- اسفند
- 1399
- ساعت
- 11:16
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه