ئولور زینب،گل اماندی برادر
گل عمروم باخ خزاندی برادر
آنام جانی سن ئولنده من ئولدوم
ئورک نار غمده یاندی برادر
(دم رحلتدی حسینیم گل
ابالفضلیم نور عینیم گل)
حسین جان گل قبلیه منی دوندر
یولومی گوزلور بهشتده پیمبر
ننم زهرایه دیمه لی سوزوم وار
نلر چکدی یرمی بش ایلده حیدر
(دم رحلتدی حسینیم گل
ابالفضلیم نور عینیم گل)
باجیوام باشی بلالی، برادر
سسیمه سس ویر یارالی برادر
قالوب جسمون ایستی قوملارین اوسته
اولوب ذکریم جان یارالی برادر
(دم رحلتدی حسینیم گل
ابالفضلیم نور عینیم گل)
دیمم غارتده،نلر منه اولدی؟
بولود تک قلبیم او بحراندا دولدی
سه ساله زهرایه ویردیلا قمچی
بالاوین، بوش بشیگیده سویولدی
(دم رحلتدی حسینیم گل
ابالفضلیم نور عینیم گل)
- شنبه
- 9
- اسفند
- 1399
- ساعت
- 11:28
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه