زهراباش آچوب صادقه نوحه دیر آغلار
بوغمده یانارشیعه ی اثناعشرآغلار
مقصوده یتوب طایفه ی عقده و کینه
غرق اولدی؛غم ومحنت ایامه مدینه
زهرستم ائتدی اثراول رهبردینه
عاشقلری گوزیاشی عذاره توکرآغلار
چوخ ایتدی جفااهلی اومولایه اذیت
اوت ویردیلا ظلمیله یانوب بیت امامت
یاندیردی دل عالمی بوغملی حکایت
بوغمده بلی شیعه اولارنوحه گرآغلار
بیرمجلس عشرت قوروب اول حاکم مغرور
جبراًگتوروب جعفری او مجلسه منصور
چوخ ائتدی شماتت گل زهرایه اومنفور
ظلم اهلی ائده ر ظلمی امامه مگرآغلار؟
خارج الدی تیغینی او جانی خونخوار
قیتردی غلافه گینه شمشیرین اوغدّار
اوچ مرتبه که بوعملی ایلدی تکرار
مغموم اوتوروب،گوردولراو خیره سرآغلار
ناگه سوروشوبلارندی گوزیاشووه علت
چکدیم دئدی خنجرائلدیم قتلینه رغبت
گوردوم که غضبلن باخوری ختم رسالت
گاهی منه،گه اوغلوناایلرنظرآغلار
ای بزم عزایه گوزی یاشلی گلن عاشق
آچمایولی جولان ویره میداندامنافق
باخ پرچمه فریادائله یاحضرت صادق
شیعه غم صادقده اولار خونجگرآغلار
"ناعم"قلمون لطف خداییله رواندی
قیمت وئرن اشعارووه سلطان زماندی
اهل غَرَضه شعرووی گورستمه اماندی
گورسه ولی اشعارووی اهل هنرآغلار
- چهارشنبه
- 13
- اسفند
- 1399
- ساعت
- 17:30
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه