هشت ربیع اولوب، بوریوب غصه عالمی
مهدینی آغلادوب حسن عسکری غمی
امرایلیوب ملکلره خلاق ماسوا
ارض وسمایه قاره چکوب باشلانانوا
دین گلشنینده لاله کیمی عسکری سولوب
خلدبرینده فاطمه آلامه غرق اولوب
چوللرده ایندی مهدی گزور سینه داغلیور
ابن الرضاغمینده دیورنوحه آغلیور
حتما گیدوراوغصه لی قبرون کنارینه
اورداتوکورسرشک مصیبت عذارینه
ال سینه سینده سسلنورای باب ذوالکرام
مهمان گلوب مزارووه اوزاوغلون، السلام
ای قلبیدن مصیبتی آرامیمی آلان
زهرشقاوتیله ای اکبادی دوغرانان
خوش گلدون ایله زایره ای معدن وفا
ایللردی داغ فرقتووه آغلورام بابا
ایله دعا، قبول ایلسون حی لاینام
بو جمعه امرحقیله من ایلیوم قیام
جان عدوی دینه بابا من شرر سالیم
اهل جفانی بنده چکیم انتقام آلیم
عالمده رشته ی ستم وظلمی من قیریم
عدل آتشینده قاتل زهرانی یاندیریم
کرب وبلاده خیمه ی ماتم ایدیم بنا
عشاقیله بپا الیوم مجلس عزا
منده وفالی شیعه لره همنوا اولوم
برگ خزان کیمی سارالیم گل کیمی سولوم
کرب وبلاده من بویانیم گرد ماتمه
بیرآغلیوم دویونجا بابازینب عممه
یاده سالیم اوساعتینی سینه داغلیوب
مقتلده قانلی پیکره باخدوقجاآغلیوب
باشسیزجنازه نی آلوب آغوشه غرق شین
ناگه گلوب بیانه دیوب زینبم حسین
ای نورعین فاطمه ای پنج پنج تن
زینب گیدوراسارته دور یاتما بی کفن
ای آسمان عشق و مواسات کوکبی
دورسال یولا دمشقه گیدن غملی موکبی
سسله علی اکبری قارداش اذان دیسون
قیزلار گیدوله کوفیه بیرباش، اذان دیسون
عباسی سسله بدرقه ایتسون بوقیزلاری
سیراب ایدوبله قارداش اوتانما، سوسوزلازی
یا ویرربابه اصغری آلسون قوجاقینه
قویسون سولان دوداقینی سولموش دوداقینه
چک باشینه رقیه نون ال ای وفاسیر
شامه کیمی بوقیز اولاجاق منله همسفر
- چهارشنبه
- 20
- اسفند
- 1399
- ساعت
- 22:19
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه