ای شهیدان خدایی
باشدا شور نینوایی
باش و جاندان گچدوز آخر
اولموسوز کرب و بلایی
ای عزّتیله دینه گوره قانه باتانلار
باشوز اوجا اولسون سیزون ای کامه چاتانلار
سلام ای با وفالر
خوش یازیلدی سرنِوشتوز
جبهه لر اولدی کِنِشتوز
قانوزا غلطان اولاندان
عِندَ رَب اولدی بهشتوز
چکدوز باشا مردانه هامی شهدِ شهادت
تدریس ایله دوز عالمه سیز درس ولایت
سلام ای با وفالر
قهرمانان سرافراز
ایله دوز دنیاده اعجاز
شاهد ایثاروز اولدی
فَکّه و دزفول و اهواز
اَروند اوزی شاهددی نجه قانه باتیبسوز
ای جبهه لرین یورقونی قان ایچره یاتیبسوز
سلام ای با وفالر
ای جوانمردان دوران
رهروان شاذه مردان
جان وئریب عالمده اُولدوز
آبروی خاک ایران
حیراندی سیزون همّتوزه مردم دنیا
عزّت وئریب الله سیزه دنیائیله عقبا
سلام ای با وفالر
سیزده وار چوخلی کرامت
چوخلارا ائتدوز عنایت
قلبلرده نام و یادوز
جاوداندی تا قیامت
روحیم دیریلر سیزلری من یاد الینده
یاد شهدا حشره کیمی زنده دی زنده
سلام ای با وفالر
- پنج شنبه
- 21
- اسفند
- 1399
- ساعت
- 16:25
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه