تا قدم قویدی یر اوسته شهربانو نورِ عینی
آچدی سجّاد عالمه گوز شادمان ایتدی حسینی
مژده ویر اهل ولایه ،زینتِ عُبّاد گلدی
تهنیت سویلور ملائک،حضرت سجاد گلدی
(یا علی بن الحسین)
(یابن زهرا یابن زهرا)
شهریار مُلک عرفان زاهدِ بیدارِ شَبدی
مقدمیندن بیت مولا یکسره غرق طَربدی
افتخار زاهدین دی،عزّو جاهِ عابدین دی
بسدی بو عزّت بو طفله،پورِ مولامیز حسیندی
(یا علی بن الحسین)
(یابن زهرا یابن زهرا)
هر صفت ده چون آتاسی صاحبِ جود و کرم دی
والِدی فخرِ عَرَبدی والده مَجدِ عَجم دی
جلوه ی نوری بو طفلین کایناتی گتدی وَجده
درگهِ حقّه ایدوبدی کربلانون شاهی سجده
(یا علی بن الحسین)
(یابن زهرا یابن زهرا)
- پنج شنبه
- 21
- اسفند
- 1399
- ساعت
- 16:30
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه