عموجان دور ایله چاره
دوشدی قلبیمه شراره
باغلیوبلر سو یولونی
وای اولا بو روزگاره
رحم ایله/ سوسوزام یاندیم عموجان
یاندیم اودلاندیم عموجان
وردیلر بُروزه ایندی
کینه‌سین گروه شامی
آخدی چوللره سو امّا
تشنه قویدولار امامی
در خیمه‌ده اوشاقلار
اللرینده بوش سو جامی
بیزه سو حرام اولوبدی
قسمت اولدی چوخ وحوشه
بیر به بیر خیامی گزدیم
العطش گلوردی گوشه
عطشین شراره سیندن
بعضی قیز گیدوبدی هوشه
بو فراتی قانه دونسون
قالدی لشگرین الینده
بو سوسوز بالالارین وار
گوزلری سنین الینده
سودامر آناسی ایندی
قالوب اصغرین الینده
العطش صداشی ایندی
اوج ایدر عمو هوایه
بیزی دعوت ایلینلر
سالدیلار بویوک بلایه
عموجان ازلدن ایکاش
گلمییدوخ کربلایه
عمو گَر کرم گوزیله
بالا قیزلارا باخیدون
قورین سو مشکی ایندی
نولی چگنیوه سالیدون
بو گروه کینه‌جودن
نچه جرعه سو آلیدون
عموجان بو *بیکَس* ایستور
یته چشمه ی بقایه
کرم ایله دعوت ایله
اونی بیرده کربلایه
گله‌جاخ بو یرده گلسه
بیله شوریله نوایه
.
- جمعه
- 22
- اسفند
- 1399
- ساعت
- 17:51
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه