دیوان عشقه زینت، سردار کربلادی
مهد شعور و غیرت، سردار کربلادی
تلِّ اوسته باشلیاندا شمریله قیل وقالین
گون تک عیان ائدیبدور باشدا اولان خیالین
برهم ویریبدی خصمین تدبیر و احتمالین
اخذ ایلدی او لحظه حریتّین مدالین
سردار بالیاقت، سردار کربلادی
اهل حرم باخوردی یکسر او نامداره
زینب خانیم ائدوردی قارداشینه اشاره
عباس گئتسه مولا واردی نه راه چاره
اعراب ایچینده اوللوخ دائم عذاری قاره
سرمایه ی ولایت، سردار کربلادی
- سه شنبه
- ۱۱
- خرداد
- ۱۴۰۰
- ساعت
- ۱۶:۲۰
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه