یا حسین یتیش هرایه یخدیلار منی برادر
خیمه لرده چوخ یوبانما باشیمی کسور بو لشکر
تیز گل حسین هرایه
باشیم دوشوب بلایه
نچه ایلدی در گهونده بیر ذلیل خاکسارم
من تولّدومون ای شه دام عشقوه شکارم
گورموری گوزوم حسین جان یوللاریوا انتظارم
ساقی اللره دوشوبدی هم شکست اولوبدی ساغر
گلشن وفاده ای کاش آرزو گولون دریدیم
سن گلنده باشیم اوسته یوللار اوستونه سریدیم
قدرتیم اولیدی ای کاش سن گلینجه من گلیدیم
زحمتیم سنه چوخ اولدی ای جهانیانه دلبر
اوز وجودومون قانیله پیکریم قانا بلشدی
بوسینان باشی کسوله باشیم اوسته کشمکشدی
پاره پاره بیر وجودون قانینا بولار عطشدی
آلدیلار منی آرایه تیز گل ای عزیز مادر
رحم یوخ بولاردا قارداش راه حقّیدن آزوبلار
صفحه وجودمی گور تیغیله نجه یازوبلار
نیزه و اوخیله قارداش قبریمی بولار قازوبلار
یوخدی قدرتیم بدنده یاره لر حکایت ایلر
سن کیمی معلمه من طفل مکتب و مرامم
سوز بویوکدی گردیسم کی من برادر امامم
ایلیوب آتام وصیت من سنه فقط غلامم
گل گوروم جمالووی من ای عزیز جان حیدر
حیف اولا بو چولده قارداش ویرمدی ثمر بو خدمت
اوخلیوب سو مشکیمی بو کوفیان بی شرافت
خیمیه منی آپارما ئولدورر منی خجالت
انتظار یدور یقینا مادر حزین اصغر
دولدوروب سو مشکین آتدیم چگنیمه اودمکی قارداش
یاغدیریبلار اوخ هوادن نچه مین گروه اوباش
اوخ دگنده مشکه امّا گوزلریم توکوبدی قانیاش
قانلی مشکیده سو یوخدی گوزلری منی حرملر
من دیمم یارالی باشیم یا کی قانلی پیکریم وای
هرگز ایتمرم شکایت یا دیم کی قوللاریم وای
ورد و ذکریم ایندی اولدی تک قالان برادریم وای
بیر به بیر شهید اولوبلار حیف اولا بوگون کومکلر
(بیکَسا)بو شرح غمدن دیل آلیشدی یاندی بسدی
مرغ روحوا اگر چه سینه تنگ بیر قفسدی
عمرون اولسا گر چه یوز ایل گوئیا کی بیر نفسدی
سن خلوصیله قلم وور لطف ایدر ایکی برادر
- شنبه
- ۲۳
- اسفند
- ۱۳۹۹
- ساعت
- ۱۲:۴
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه