ای سلطانِ عشقین با وفا سرداری
هر سینیخ دیللرین اولموسان دلداری
یا ابوفاضل ای کَرم کانی
الیمیزدن دوت فاطمه جانی
یا باب الحوائج
سنه دیلده چوخلی دیمه لی سوزوم وار
اوقانلی الونده ئولونجه گوزوم وار
عیاندی حالیم بو گوز یاشیمدان
سایه وی کسمه آقا باشیمدان
درد عالمینه آقا معالج سن
نومید ایلمزسن باب الحوائج سن
بو خسته قلبه صفا ویر مولا
مریضم لطف ایت شفا ویر مولا
ای معنی ایثار ای سرو خرامان
قلم قوللاریوا جانلار اولسون قربان
سسلرم دیلدن با شور و احساس
سنه محتاجم آقا یا عبّاس
ای سقّای عطشان سردار نینوا
گل زینبه خاطر ویر بیزه کربلا
یخوب گوزیاشی بو سدّ صبری
گویلوموز ایستیر او کیچیک قبری
غمونده بولورسن نجه یانمیشام من
عَلمون آلتیندا دالدالانمیشام من
لطفووی کسمه (بیکَسم)مولا
بو گنهکاری قاپیدان قووما
- شنبه
- 23
- اسفند
- 1399
- ساعت
- 12:33
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه