اجازه اولسا منه گر خدای صادقدن
قلم الیمده یازار بیر ثنای صادقدن
اگرچه یوخدی لیاقت مدیحه یازماقینا
وار انتظار ولی بو گدای صادقدن
گیچنده هشتاد اوچ ایل هجرت پیمبردن
صفا تاپوبدی جهان ،خاک پای صادقدن
آتاسی باقر علم نبی اولوب مشهور
او علمی صادر اولوبدور ، سرای صادقدن
آناسی دختر قاسم دی اُم فَروَه آدی
اوجالدی باشی اونون اعتلای صادقدن
قویوبلا جعفر صادق آدین او گول بالانین
صفا تاپوبدی صداقت ، صفای صادقدن
اگر چه جعفر آدی نَهر آبه معنی اولور
ولیک یَم یارانار بیر ندای صادقدن
سؤوندی اهل مدینه گورنده چهره سینی
فَرهلنوبله رخِ دلگشای صادقدن
ایشیقلانوبدی ولایت ایوی جمالیندان
منوّر اولدی نور بَرملای صادقدن
بویوردی جدّی کیم ایستور کی نامه ی عملین
صاق الده ساخلیه لطف و سخای صادقدن
گرکدی بَسلیه مِهر و محبتین دیلده
خدا رضا اولا اوندان ، عطای صادقدن
گوروبدی اون ایکی ایل زین العابدین باباسین
نتیجه سی گورونر هر دعای صادقدن
تاپوبدی نَشو و نما جدّینین حضورینده
آلوبدی درسینی دائم هُدای صادقدن
ویریلدی مکتبه رونق جهاندا عِلمیله
اوجالدی دین آدی الحق لوای صادقدن
ایدوبدی تربیت افراد بیشماری امام
آلوبلا درس لرین ، مقتدای صادقدن
جهاندا چوخلی غمه مبتلا اولوب امّا
چخاردی نی کیمی ناله نوای صادقدن
آناسی فاطمه تک یاندیریبلا درگهینی
اوجالدی شعله سی ، دولتسرای صادقدن
یاناندا درگهی گویا چخوب اوزی قاپیه
یانور اورک باشی بو ماجرای صادقدن
بویوردی صبر ایلیون هرنه ایسته سز گتیریم
گویول قوشی اوچوری کربلای صادقدن
هجوم ایدنده قوشون خیمه ی حسینه طرف
ندن حیا ایلمز ، سر جُدای صادقدن
الینده خامه یانور( بیکَس) آچما مطلبی سن
یقیندی مطلب آلارسان دعای صادقدن
- شنبه
- 23
- اسفند
- 1399
- ساعت
- 22:56
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه