ای آدی ، گویلرده ، حضرت احمد(ص)
یرده گول آدی محمّد(ص)
هرنه زیبا واردی خداوند
سنی اوندان ایتدی سرآمد
دوشدی حیرته ارض و سما
قدرتین نشان ویردی خدا
جهانه سالدی شور تازه
قدم قویوبدی تا حجازه
شأنیوه صادر اولوب لولاکَ ای میر هدا
هم سنه هم اهلبیته شیعه لر اولسون فدا
مصطفی یا مصطفی یا مصطفی یا مصطفی
حُسنوندن ، عالَم لر ، تاپدی طراوت
آرتیردون جنّته زینت
کیم چاغیرسا نام شریفون
ایکی عالَم ده تاپار عزّت
حق نه با ملاحت یارادیب
عالمینه رحمت یارادیب
سن اشرف خلایق اولدون
هامی مقامه لایق اولدون
گوزتیکوب اهل ولا احسانیوه ای محترم
گَل حسینین خاطری یاز بیزلره بین الحرم
مصطفی یا مصطفی یا مصطفی یا مصطفی
بو آیدا ، نور حق ، ایتدی تجلّا
گوز آچدی دو گُلِ زیبا
گلوب هم دنیایه پیمبر
هم گلوبدی وارث طاها
گورنه لطف ایدوبدی کبریا
گلشنه اولار ویردی صفا
بیر نازنین رئیس مکتب
بیر مَه جبین رئیس مذهب
شیعیانین قلبینون زخمین خدایا تز بیتور
عیدیانه لطف ایله صاحب زمانی تز یتور
مصطفی یا مصطفی یا مصطفی یا مصطفی
- شنبه
- 23
- اسفند
- 1399
- ساعت
- 23:32
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه