جهانه قویدی قدم - بو دختر زهرا
هرایکی عالم اولار - تاج سر مولا
زاده زهرا گلوب/خواهرمولاگلوب/
عزیز مرتضی/زینب کبری گلوب
بنت الحیدر مدد
بیر عمردور من خانیم-آدیوا وابستیم
اوزگیه یالوار مارام - من سنه دلبستیم
محو رخ دلبرم/آیری یره گتمرم/
حسین آدینان صورا/زینب آدین سسلرم
بنت الحیدر مدد
سن کیمی گویلرده بیر-آی اولماز عالمده
کیمسه جهاندا سنه - تای اولماز عالمده
جود و سخا سنده دی/درده دواسنده دی/زیارتنامه ی / کرب و بلا سنده دی
بنت الحیدر مدد
هرایکی دنیاده سن - صاحب عزت سن
فاطمه تک مظهر - عصمت و عفت سن
دُرّه صدف سن خانیم/کان شرف سن خانیم/
صولت و حشمت ده چون/شاه نجف سن خانیم
بنت الحیدر مدد
من بولورم سن خانیم -کرمده دریاسن
لطف و عطا عادتون-وارث زهرا سن
سائلم احسان ایله/دردیمه درمان ایله/سن بیل حسینون جانی/قبروه مهمان ایله
بنت الحیدر مدد
الهی ایله عطا - بخاطر زینب
دیلیمده از بر آدی - اولوبدی روز و شب
زینبه ویرّم قسم/(بیکَسه) ایله کرم/
بیرده گوروم اولموشام/زائر بین الحرم
بنت الحیدر مدد
- یکشنبه
- 24
- اسفند
- 1399
- ساعت
- 23:5
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه